Chaah Hai Jahan

Yet another song for Sanjay.
=====================================================
woh thi ek haseen ladki aur woh tha ek ladka jawan
dono ke dil mein mastiyan aur josh dono mein tha rawaan
bhaag nikale ghar se dono, peeche chod ke saara jahan
aur gaane lage dono, “chaah hai jahan, raah hai wahan”

bhaagne se pehale, dono ne thi apni jebein bhari
kuch jevar, kuch kapde, kuch notein hari hari hari
kharch hota raha jaane paisa kahan kahan kahan kahan
par gaate rahe dono, “chaah hai jahan, raah hai wahan”

thoda waqt beeta aur sach aa gaya dono ke saamne
lagaya dostoan to call, par koi nahi aaya unko thaamne
sar se ud gaya chath, aakhon ke aage aa agaya dhuan
par gaate rahe dono, “chaah hai jahan, raah hai wahan”

ladki ke baap ke aage dono milke pahunche phir
ghutnoan pe gir gaye aur jhukaya dono ne apna sir
ladke ke baap ne de diya jaydaad aur mahal alishaan
aur gaane lage dono milke, “chaah hai jahan, raah hai wahan”
=====================================================

This entry was posted in Lyrics - Hindi. Bookmark the permalink.

Leave a Reply

Your email address will not be published. Required fields are marked *